Хувийн хэвшлийн стратегийн ордын 34-50 хувийг төр эзэмших асуудлаар Засгийн газар хэлэлцээр хийж эхлээд байгаа. Энэ асуудлаар УИХ-ын гишүүн Д.Энхтүвшингээс байр суурийг нь сонслоо.

УИХ-ын гишүүн Д.Энхтүвшин:

-Монгол Улсын Үндсэн хуульд эдийн засгийн үр өгөөжийн ихэнхийг ард түмний хүртэх ёстой гэж зааж өгсөн.

Стратегийн орд газар гэж хуульд хэрхэн зааж өгснөөс шалтгаалж хуулиа л дагаж мөрдөх ёстой. Нэг, цөөн хэдэн компанийг онцлохоосоо илүүтэйгээр нийтээр хуулиа хэрэгжүүлээд л явах ёстой гэсэн байр суурьтай байна. УИХ-д энэ асуудал орж ирсэн тохиолдолд хууль тогтоогчийн хувьд хууль дээдлэх зарчмаа баримталж ажиллана. "Орано" компанитай бусдад жишиг болохуйц гэрээг хийж чадсан. Энэтэй адил байдлаар шийдэж чадах уу, үгүй юу? Энэ бол хэлэлцээрийн явцад шийдэгдэнэ гэж бодож байна гэв. 

---