Батлан хамгаалахын сайд С.Бямбацогт Монгол Улс дахь Нэгдсэн Үндэстний Байгууллагын Суурин зохицуулагч Яап ван Хиэрдэнийг 2025 оны 04 дүгээр сарын 03-ны өдөр хүлээн авч уулзжээ.

Уулзалтаар талууд Монгол Улсын Зэвсэгт хүчний энхийг сахиулах ажиллагааны оролцоог 3 дахин нэмэгдүүлэх бодлогын хүрээнд II шатлал цэргийн хээрийн эмнэлэг, түргэн байрлах хүчний ротыг ойрын хугацаанд НҮБ-ын энхийг сахиулах чадавхын бэлэн байдлын системийн III түвшинд бүртгүүлэх зэрэг хамтын ажиллагааны өргөн сэдвээр санал солилцсон байна. Мөн энхийг сахиулагчид, тэдний гэр бүлд дэмжлэг үзүүлэх "жишиг төсөл" хэрэгжүүлэхээр ярилцжээ.

---