Жолоочийн албан журмын даатгалын асуудлаар УИХ-ын гишүүн П.Мөнхтулга мэдээлэл хийв.

УИХ-ын гишүүн П.Мөнхтулга: 

-Монгол Улсад сая гаруй жолооч бий. Та жолооны үнэмлэх аваад машин барих эрхтэй болсон бол албан журмын даатгал төлдөг. 2011 онд хуульчилж жолооч нарыг албан журмын даатгалд хамруулсан. Эргүүлж нөхөн төлбөр төлөхдөө заавал цагдаа, даатгалын алба ирж гэрчилдэг. Энэ процесс дунд түгжрэл үүсдэг. Даатгалын хууль дээр осол гарсан тохиолдолд заавал цагдаа ирж гэрчилнэ хэмээн заасан байдаг.

Замын хөдөлгөөний дүрмийн 3.5-д хоёр жолооч хоорондоо тохиролцох боломжтой бол хэргийн газраас хөдөлж болно хэмээн заасан. Гагцхүү хүний амь нас, эд хөрөнгө үлэмж хэмжээгээр хохирсон тохиолдолд цагдаа дуудаж болно. Тиймээс албан журмын даатгалаар мөнгө авсан бол асуудалгүй буцаагаад төлдөг байх хуулийг санаачилсан. Гар утас, хар хайрцаг хөгжсөн цагт заавал цагдаагийн тодорхойлолтоор гэрчлэх шаардлагагүй. Заавал бусдын ажлыг уяж хэдэн зуун машиныг түгжрүүлдэг асуудлаа болих шаардлагатай. Осол гаргасан бол түргэн шуурхай шийддэг болж, авсан бол буцаагаад өгдөг даатгалын системийн шинэчлэл хийе гэв. 

---