Хан-Уул, Сүхбаатар дүүргийн нутаг дэвсгэрт 20 настай эрэгтэй Ц.Д нь 16 болон 32 настай хоёр эмэгтэйг хөнөөж, хэргээ нуун далдлах зорилгоор цогцсыг чемодан, хувцасны шүүгээнд нуусан хэрэг өнгөрсөн оны зургаадугаар сард гарсан.

Уг хэргийг мөрдөн байцаалтад буцаах шийдвэрийг шүүхээс гаргаад байсан юм. Тус шийдвэрийг прокурор эсэргүүцэж, давж заалдах шатны шүүхэд гомдол гаргаад байгаа. Тус прокурорын гомдлыг өнөөдөр хэлэлцэнэ.

Хэргийг эргэн сануулахад, Чингэлтэй дүүргийн 19 дүгээр хорооны нутагт оршин суух 20 настай эрэгтэй Д нь Сүхбаатар дүүргийн нэгдүгээр хорооны нутаг дэвсгэрт зургаадугаар сарын 8-9-нд шилжих шөнө 32 настай эмэгтэй З-ийн амь насыг хохироосон. Үүний дараа Хан-Уул дүүрэгт зургаадугаар сарын 20-21-нд шилжих шөнө 16 настай эмэгтэй Ш-ийн амь насыг тус тус хохироосон болох нь мөрдөн шалгах ажиллагаагаар тогтоогдож, мөрдөн шалгах ажиллагааг эхлүүлсэн юм. 

---