MEC судалгааны байгууллагаас УИХ-ын эмэгтэй гишүүдийн үйл ажиллагаанд үнэлгээ өгөх судалгааг явуулсан байна.

Улаанбаатар хот болон орон нутагт оршин суудаг сонгуулийн насны 1050 иргэнээс энэ сарын 6-11-ний өдрүүдэд “УИХ-ын эмэгтэй гишүүдийн үйл ажиллагаанд үнэлгээ өгнө үү” гэсэн асуултад хариулт авсан байна. Мөн өнгөрсөн 2024 оны арванхоёрдугаар сард энэхүү судалгааг явуулж байжээ.

Дээрх хоёр судалгааны дүнгээс харахад эмэгтэй улстөрчдийг рейтингээрээ УИХ-ын гишүүн, Байгаль орчин, уур амьсгалын өөрчлөлтийн сайд С.Одонтуяа, УИХ-ын гишүүн, Гадаад харилцааны сайд Б.Батцэцэг, УИХ-ын гишүүн Ж.Баярмаа нар тэргүүлж байна.

Тэдний араас эмэгтэй улстөрчдийг УИХ-ын дэд дарга Х.Булгантуяа, УИХ-ын гишүүн С.Цэнгүүн, А.Ундраа нар тэргүүлжээ. Сүүлийн судалгаагаар УИХ-ын гишүүн Ж.Баярмаа, С.Цэнгүүн нарын рейтинг буурчээ. 

---