2014 онд УИХ-ын гишүүн асан Л.Гүндалай Зайсангийн аманд хууль бусаар газар эзэмшиж байгаа тухай дуулиан дэгдэж байсныг уншигч та бүхэн санаж байгаа байх.
Хилийн боомтын захиргааны даргаар ажиллаж байхдаа Л.Гүндалай эрх мэдэл албан тушаалаа ашиглаж, Зайсангийн “Бурхан багшийн цэцэрлэгт хүрээлэн”-гийн зүүн хойд талд хувийн хаусаа сүндэрлүүлсэн нэгэн. БОНХАЖЯ, Богд уулын дархан цаазат газрын захиргаа, Мэргэжлийн хяналтын газрын байцаагчид очиж барилга зогсоох тухай албан бичиг өгч, хүчийг эс олж байв.
Тэрбээр төрсөн эгчийнхээ хүү О.Одсүрэнгийнхээ нэр дээр Зайсан толгойн орчимд "Жуулчны бааз"-ыг зориулалтаар 7.5 га газар авч, улмаар түүнийгээ зориулалтын бусаар ашиглан барилгын компаниудад зарж, хөрөнгөжсөн. Тэгвэл Л.Гүндалай Дархан цаазат Богдхан уулын газрынхаа барилгын зөвшөөрлийг гаргуулахын тулд хотын даргыг шантаажлаад эхэлжээ. Учир нь тэрбээр өөрийн цахим хаягтаа хотын даргын эсрэг хэд хэдэн сэтгэгдэл оруулжээ.
Үүний хариуг ч хотын дарга барьж, “Л.Гүндалайгийн шаардсан Зайсангийн хууль бус барилгын зөвшөөрлийг гаргаж өгч чадахгүй гэдгээ дахин хэлье. Энэ жил Туулын зам, Тойрог зам, Трамвай, Метро зэрэг төслүүд бүгд эхлэхээр төлөвлөөд байгаа. Тухайлбал 3-р сарын 14-нд Туулын замын тендерийг нээнэ” гэлээ. 

---