Хөвсгөл аймгийн Хатгал тосгоноос зүүн хойд зүгт 17 км-т буюу Дээд модот булан гэдэг газарт цагаан хил хөдлөж мөс овоорсон, задарсан байдалтай байгаа аж.

Энэ газар нь "Хөх сувд-2025" олон улсын наадам болж буй Хайчийн ам гэдэг газраас ердөө 15 км зайд байрладаг юм. 

"Хөх сувд-2025" наадам эхэлсэнтэй холбоотойгоор ойрын өдрүүдэд Ханх сум, Ренчинлхүмбэ сум, Тойлогт амралтын газар луу иргэдийн хөдөлгөөн эрс өссөн тул мөсөн замаар хөдөлгөөн үйлдэхгүй, аюулгүй байдлаа хангаж зорчихыг Хөвсгөл аймгийн Онцгой байдлын газраас анхаарууллаа.

---