Монгол Улсын Ерөнхий сайд Л.Оюун-Эрдэнэ Бүгд Найрамдах Хятад Ард Улсын Төрийн зөвлөлийн Ерөнхий сайд Ли Чянтай 2025 оны хоёрдугаар сарын 14-ний өдөр Харбин хотноо уулзлаа.

Уулзалтын дараа Гашуунсухайт-Ганцмод боомтын хил дамнасан төмөр замыг холбох Монгол Улсын Засгийн газар, БНХАУ-ын Засгийн газар хоорондын хэлэлцээрт талууд гарын үсэг зурсан билээ. Тус хэлэлцээрт Монголын талаас оролцсон албан ёсны төлөөлөгчдийн нэг Шадар сайд Т.Доржханд "БНХАУ-ын талтай сэргээгдэх эрчим хүчний чиглэлээр хамтарч ажиллахаар ярилцлаа" хэмээв.

---