"Нохойд хуруугаа тас хазуулсан" гэх дуудлага цагдаагийн байгууллагад энэ сарын 07-ны өдөр бүртгэгджээ. 

Тодруулбал, Иргэн О-г СХД-ийн нутаг дэвсгэрт байх орон сууцны хорооллын гадна явж байхад нь нохой дайрч, хурууг нь хазаж гэмтээсэн гэх гомдол мэдээлэл цагдаагийн байгууллагад бүртгэгджээ.

Цагдаагийн байгууллага өнгөрсөн онд нохойг зохих хамгаалалтгүй байлгасны улмаас хүний эрүүл мэндэд хүндэвтэр, хүнд хохирол учруулсан гэх 60 хэрэгт мөрдөн шалгах ажиллагаа явуулжээ. Мөн нохойд хазуулж гэмтсэн 234 хүний гомдлыг шалгаж, Зөрчлийн тухай хуулийн 5.19-р зүйлд заасны дагуу нохойны эзэн холбогдогч нарт торгох шийтгэл оногдуулжээ.

---