ХӨСҮТ-өөс томуу томуу төст өвчний нөхцөл байдал, сармагчны цэцэг өвчин болон менингококк халдвараас урьдчилан сэргийлэх талаар мэдээлэл хийв.

ХӨСҮТ-ийн нэгжийн дарга Н.Сувдмаа:

-Сүүлийн долоо хоногт шинжилгээнд хамрагдсан хүмүүсийн 60 гаруй хувьд зургаан төрлийн эмгэг төрүүлэгч илэрсэн бөгөөд вирусийн тархалт 18.9 хувь өссөн байна. Ийнхүү нэмэгдсэн нь сургуулийн хичээл эхэлсэнтэй холбоотой. Зургаан төрлийн эмгэг төрүүлэгч эзэлсний реновирус, амьсгалын замын синцитиал вирусийн халдвар 20.3 хувийг эзэлсэн. Боко вирус нийт шинжилгээний 8 хувьтай болж нэмэгдсэн бол томуугийн вирус 5 хувьтай байна. Коронавирус вирус 2.9 хувьтай байна. 

Менингококкийн хувьд 2007, 2019 онд манай улсад олон хүн өвчилсөн. 1-5-р саруудад халдвар бүртгэгддэг. Гуравдугаар сард хамгийн их халдвар гарчээ. Учир нь энэ сард олон баяр болдог. Энэ жилийн Цагаан сарын баяр болоход 14 хоног үлдлээ. Баярын бэлтгэл эхэлж, зах худалдааны төвүүд хүн ихтэй байна. Эдгээр газрууд руу явахдаа амны хаалт зүүгээрэй.

Цэцэрлэг, сургуулиуд, албан байгууллагууд хоёр цаг тутамд агаараа сэлгэх хэрэгтэй. Танд зовуурь илэрвэл эмчид хандаж, ялган оношлуулаарай. Улирал хооронд хүний дархлаа сулардаг тул дархлаагаа сайн дэмжээрэй. Хувцсаа тохируулан өмсөх хэрэгтэй. Асран хамгаалагчид хүүхэд малгайтай эсэхийг анхаараарай гэв. 

---