"Монгол Улсын Засгийн газар хиймэл оюун ухааны стратеги тодорхойлох арга хэмжээг зохион байгуулж байгаа нь өндөр ач холбогдолтой" гэж Монгол дахь НҮБ-ын Хөгжлийн хөтөлбөрийн Суурин төлөөлөгч Матилда Димовска хэлж байна.

Монгол дахь НҮБ-ын Хөгжлийн хөтөлбөрийн Суурин төлөөлөгч Матилда Димовска:

-Монгол Улсын Засгийн газар хиймэл оюун ухааны стратеги тодорхойлох арга хэмжээг зохион байгуулж байгаа нь өндөр ач холбогдолтой юм. Энэ стратегийг хэрэгжүүлэхэд хувийн хэвшил манлайлан оролцох нь чухал гэж үзэж байна.

Монгол Улсын хувьд аль салбарт хиймэл оюун ухааныг илүү ашиглах шаардлага хэрэгцээ байгаа вэ гэдэг дээр бидний хийж байгаа судалгаагаар илүү тодорхой болно. Одоохондоо судалгааны дүн хараахан гараагүй байна. Дижитал шилжилтийн хувьд хэлэхэд асар их хэмжээний чанартай дата цуглуулах шаардлагатай, олон чанартай дата цуглуулж байж цаашаа явна. Ногоон дэд бүтцийг бий болгох, хүний нөөцөө сайжруулах, чадварлаг мэргэжилтэнтэй болох шаардлагатай юм.

Сая бид Сингапур улсын жишээг авч үзлээ. Тус улс хиймэл оюун ухааныг онцолсон салбар дээр хэрэгжүүлж байна. Эрүүл мэнд, ногоон хот хөгжүүлэх чиглэл рүү хөрөнгө оруулалт татахаар ажиллаж байна. Удахгүй Малайз улсын жишээг сонгон ярина. Монгол Улсын хувьд өөрийн гэсэн  санхүүжилтийн схем болон бодлогоо боловсруулах нь зүйтэй гэв. 

---