Ардчилсан намын гишүүд дэмжигчдийн холбооноос Ардчилсан намын дарга Л.Гантөмөрийг тус намын гишүүнчлэлээс хөөх шийдвэр гаргажээ.

Өвөрхангай аймгийн Ардчилсан намын дарга асан, Ардчилсан намын гишүүд дэмжигчдийн холбооны тэргүүн Т.Хасбаатар:

-Ардчилсан намын гишүүд дэмжигчдийн холбооноос Ардчилсан намын дарга Л.Гантөмөрийг Ардчилсан намын гишүүнчлэлээс 2025 оны хоёрдугаар сарын 13-ны өдрөөс хөөх шийдвэр гаргалаа.

Цаашид тус шийдвэрийг хэрэгжүүлж ажиллахыг Ардчилсан намын шат шатны байгууллагууд болон Ардчилсан намын нийт гишүүдэд үүрэг болгосугай гэх мэдэгдлийг гаргасан.

Монгол Улс 2016 оноос хойш сөрөг хүчингүй явж ирлээ. Л.Гантөмөр Шадар сайдын албан тушаалд очиж Ардчилсан намыг МАН-ын карман (халаасны)-ы нам болгосон. Ардчилсан намын тамга МАН-ын даргын сейфэнд хадгалаатай байгаа. Ардчилсан намын үнэт зүйл бодлогоосоо Л.Гантөмөр урвасан. "МАН-ын батлахыг нь өг" гэж ерөнхий сайдад хэлнэ гэв. 

---