Монгол Улсын начин, тод манлай уяач Ц.Дуламсүрэн хаврын морин уралдаантай холбоотой асуудалд өөрийн сууриа илэрхийлж мэдээлэл өгөв. 

Монгол Улсын тод манлай уяач Ц.Дуламсүрэн:

-50-60 км цагийн хурдаар допинг эм тариагаар бордоод галзууруулсан адууг хүүхдээр унуулахаа өв соёл гэж хэлж болохгүй. Тийм эрлийз морийг насанд хүрсэн та нөхөд ч унаж уралдах боломжгүй, нисэж үхнэ.

Хүүхдийн эрхийг зөрчиж буй маш том бүдүүлэг алдаа. УИХ-ын гишүүн эмэгтэй, эх хүнийг "Хужаа, нохойн баас, алцгар..." хэмээн есөн шидээр нь хэлдэг хүн жудагтай уяач мөн үү. Өчигдөр М.Нарантуяа гишүүнийг мэдээлэл хийхэд "Мал мэдэхгүй Нара морь ярилаа" гэх юм. Тэр огт морь ярьсангүй, хүүхдийн эрх л ярилаа. Тэнд байгаа гишүүд бүгд хүүхдийн талаар ярьж байв.

Гурван сар морины уралдаан зохион байгуулснаараа өв соёлоо харин ч устгана. Унаач хүүхдэд гурван сая төгрөг төлөөд 300 сая төгрөг авах гээд эрлийз морьдоо уралдуулж байна. Жирийн монгол уяачдын нэрийг барьж хэсэг бүлэг хүмүүс жагсаж, улс төрд нөлөөлж байна гэв. 

---