"УИХ-ын гишүүн бүрэн эрх нь дууссанаас хойш ажил эрхлээгүй бол 12 сарын үндсэн цалинтай тэнцэх тэтгэмж авна" гэх хууль иргэдийн шүүмжлэл ихээхэн өртөөд байна. Энэ талаар УИХ-ын гишүүн Ц.Мөнхтуяагаас байр суурийг нь сонслоо. 

УИХ-ын гишүүн Ц.Мөнхтуяа:

-УИХ-ын гишүүний бүрэн эрх нь дууссанаас хойш ажил хийгээгүй бол жилийн хугацаанд 46 сая төгрөгийн тэтгэмж авна гэх хуулийн өөрчлөлтийг 2024 онд сонгогдсон 126 гишүүн санаачилж хэрэгжүүлсэн мэтээр нийгэмд буруу ойлголт гараад байна. Энэ бол аль эртнээс байсан хууль.

Миний хувьд тус хуулийг дэмжээд, байх ёстой гэж үзэхгүй байгаа. Тухайн хүн ажлаа өгсөн тохиолдолд заавал төрөөс мөнгө авах шаардлагагүй. Шинэ парламентын үед ямар нэг дэмжлэг, тусламж, байрны хөнгөлөлт огт яригдаагүй. Өмнө байсан юм шиг байна лээ. Түүнийг би мэдэхгүй байна.

Өөрсдөө хүсэж, ард түмний төлөөлөл болъё гэж УИХ-ын гишүүн болсон. Тийм болохоор ийм юм хүсэж байна. Тэгмээр байна гэдэг нь зохимжгүй.

Ихэнх УИХ-ын гишүүд энэ тэтгэмж авахыг эсэргүүцэж байгаа. Зарим нэр бүхий гишүүд энэ хуулийн заалтыг хасуулах хуулийн төсөл өргөн барихаар төлөвлөж байгаа юм билээ. Би бас нэгдэж гарын үсгээ зурна гэв. 

---