Өв соёлыг өвлөн уламжлагч Монгол Улсын 2024 оны шилдэг хүүхэд, Дархан-Уул аймгийн "Од" сургуулийн 12-1 ангийн сурагч, каллиграфич Д.Номинзултай ярилцлаа.

 Каллиграфич Д.Номинзул: 

-Би 2018 оноос каллиграф буюу уран бичлэг сонирхож эхэлсэн. Каллиграфаар бичсэний дараа үзэсгэлэнтэй, гоё харагддаг. Дархан-Уул аймгийн Хүүхдийн номын ордонтой хамтран 2022 оноос каллиграфийн сургалт явуулж эхэлсэн. Энэ хугацаанд 50 гаруй хүүхдэд каллиграф бичиг заасан. Мөн насанд хүрэгчдэд буюу төрийн албан хаагч болон уран бичлэг сонирхож буй 50 гаруй хүнд хичээл заасан. Дархан-Уул аймгийн 2023 оны шилдэг хүүхэд болсон. Энэ жил Өв соёлыг өвлөн уламжлагч Монгол Улсын 2024 оны шилдэг хүүхэд болсондоо баяртай байна гэв.

---