III цахилгаан станцын өргөтгөл, шинэчлэлийн төслийн зураг төсөл боловсруулах Засгийн газар хоорондын хэлэлцээрийн төслийг Эдийн засгийн байнгын хороо хэлэлцэв.

УИХ-ын гишүүн Г.Лувсанжамц:

-Манай улсад хэрэгтэй төсөл гэдгийг сайн ойлгож байна. Хөгжиж байгаа орнуудыг том гүрнүүд дээрэлхэж байгаа юм шиг. Цаанаас нь хийлгэх компанийг нь зааж өгөөд, өндөр өртгөөр төсөл хийлгэнэ гээд ороод ирдэг. Аманд нь ороод байгаа зүйл байгаа юу?

Оросын талаас энэ компанийг сонго гээд ганц компани оруулж ирсэн байна. Сонгон шалгаруулалт, өрсөлдөөн гэдэг зүйл байх ёстой. Олон улсын төсөл хөтөлбөрүүд хоорондоо харилцан яриатай байдаг. Шууд тулгаж байгаа юм шиг харагдаад байна.

Манай талаас еврог нь рублийн зээл болгох санал тавьсан байна. Ямар хариу өгсөн бэ?

Эрчим хүчний сайд Б.Чойжилсүрэн:

-Манайх хоёрхон хөрштэй шүү дээ. ОХУ-аас заавал энийг хэрэгжүүлнэ гэж тулгасан зүйл байхгүй. Манайх өөрсдөө ОХУ-д хүсэлт тавьсан юм байна лээ. Экспортын зээл өгөөч гэж. 

Экспортын зээл өгч байгаа тохиолдолд заавал өөрийн улсын компаниуд дунд сонгон шалгаруулалт явуулдаг.

Аманд нь ороод байгаа юм байхгүй. Бидний байгаа царай энэ. Хуримтлалтай байсан бол хүнээс мөнгө гуйлгүй өөрсдийн мөнгөөр барих байсан. Гэтэл мөнгө байхгүй. Хуримтлал байхгүй. Хэрэглээ маань өсөөд ийм байдалд орчихсон. Рублиэр зээл авах их төвөгтэй юм байна лээ. Аль нэг нөөцийн тогтвортой валютаар тохиролцоно. Тэгэхгүй бол их барьцгүй

---