УИХ чуулганы хуралдаанаар Монгол Улсын Ерөнхийлөгчийн бүхэлд нь тавьсан хоригийг хүлээн авч хууль, тогтоол хүчингүй болсонтой холбогдуулан Монгол Улсын 2025 оны төсвийн тухай хуулийн төслийг хэлэлцэх дэгийн тухай хуулийн төслийг хэлэлцэн баталсан. Улмаар өнөөдөр Засгийн газар 2025 оны төсвийн төсөл хэлэлцлээ.

Аж үйлдвэр, эрдэс баялгийн сайд Ц.Туваан:

-Засгийн газар 2025 оны төсөвт тодорхой өөрчлөлтүүдийг хийж, нийтдээ 2,4 орчим их наяд төгрөгийн хасалт хийж тэнцвэржүүлж, УИХ-руу өргөн барихаар хэлэлцэж дууслаа. Ирэх жилүүдэд хэрэгжүүлэх 14 мега төсөл нь улсын төсвөөр хийгдэхгүй. Гадны хөрөнгө оруулалтаар хийгдэх төслүүд байгаа. Томоохон замуудын хөрөнгө оруулалтаас хасагдаж байна. Бүх яамдуудын урсгал зардлаас танах зохицуулалт хийгдсэн. Сангийн сайд бүх сайд нартай уулзаж ямар ямар зардлуудаас хасалт хийх талаар ярьсан гэв. 

---