УИХ-ын намрын ээлжит чуулганы өнөөдрийн хуралдаанаар Монгол Улсын Ерөнхийлөгчийн бүхэлд нь тавьсан хоригийг хүлээн авч хууль, тогтоол хүчингүй болсонтой холбогдуулан Монгол Улсын 2025 оны төсвийн тухай хуулийн төслийг хэлэлцэх дэгийн тухай хуулийн төслийг хэлэлцэж байна.

УИХ-ын гишүүн Ч.Лодойсамбуу:

-"Шинэ парламентыг чадамжгүй мэтээр хүмүүс ярьж байна" гэж хэтийдүүлсэн дүгнэлт хийж, гишүүд өөрсдөө ярих боллоо. Өмнөх парламент шиг хайрцаглагдахгүй шинээр орж ирсэн гишүүд чамбайрах юм байна гэдэг сайн дүгнэлт харагдаж байна. Бүлэглэж хүч түрээд явдаг байсан зүйл байхгүй болсон гэдгийг гишүүд илэрхийлж байна. Тэгэхээр энэ парламент ирэх жилүүдэд төсөв дээр хандаж байгаа шиг бусад хуулиудад хандаж, олон зүйлийг тунгалаг болгох сайн парламент болно гэж дүгнэж байгаа гэв. 

---