Нийслэлийн хөрөнгө оруулалтын газар (НХОГ)-ын даргаар ажиллаж байгаад өнгөрсөн онд хүсэлтээрээ ажлаасаа чөлөөлөгдсөн С.Цэдэнсодномыг АТГ-ын ажилтнууд өнгөрсөн пүрэв гарагт “Чингис хаан” нисэх буудалд буумагц нь дайчлан баривчилсан билээ.

Нийслэлийн Засаг даргаар Э.Бат-Үүл ажиллаж байх үед буюу 2013 оноос тус газарт хэлтсийн дарга, 2022-2023 онд газрын даргаар дэвшин томилогдсон түүнийг бусдаас их хэмжээний хахууль авсан, үндэслэлгүй хөрөнгөжсөн хэрэгт холбогдуулан шалгаж эхэлсэн байна.

С.Цэдэнсодномыг шалгаж эхэлсэнтэй холбоотойгоор АТГ-ын Мөрдөн шалгах хэлтсийн ажилтнууд хэд хэдэн объектод нэгжлэг хийжээ.  НХОГ-ын дарга асан С.Цэдэнсодномыг хот тохижилтын ажилтай холбоотой тендерт шалгарсан Ч, Х, Б, С, Б гэх аж ахуйн нэгж, иргэдээс удаа дараа их хэмжээний буюу 100-200 орчим сая төгрөгийн хахууль авсан, өндөр үнэтэй амины орон сууц захиалж, “Мерседес бенз” загварын автомашин худалдан авсан хөрөнгийнхөө эх үүсвэрийг бодитой тайлбарлаж чадахгүй байгаа зэрэг үйлдэлд буруутгаж буй. 

---