Цагдаагийн байгууллагад өчигдөр 21:10 цагийн орчимд Дорнод аймгийн Булган сумын нутаг Чулуут гэх газарт хоёр машин мөргөлдсөн байна гэх дуудлага мэдээлэл бүртгэгджээ.

Мэдээллийн дагуу осол болсон газарт шуурхай очиж шалгалтын ажиллагаа явуулахад “Mitsubishi l-200” маркийн тээврийн хэрэгслийн жолооч нь “Ford F 150” маркийн тээврийн хэрэгсэлтэй мөргөлдөж улмаар “Ford F 150” маркийн тээврийн хэрэгсэл шатсан байна.

Ослын улмаас мөргөлдсөн тээврийн хэрэгслүүдэд зорчиж явсан долоон хүн нас барсан, нэг хүн эмнэлэгийн байгууллагын тусламж авч эмчлүүлж байна. Одоогоор нас барсан дөрвөн иргэний хэн болохыг тогтоохоор харьяа цагдаагийн газраас шалгалтын ажиллагааг үргэлжлүүлж байна гэж мэдээллээ.

---