"Take Off" хамтлаг нь 2004 онд таван гишүүнтэйгээр байгуулагдаж байсан бөгөөд тухайн цаг үеийн хамтлагууд дундаас стиль имиж, дуугаралт, дуулалтаараа ялгарч поп урсгалын нэгэн шинэ төлөөлөл болон гарч олонд хүрч чадсан байдаг. "Цасан дээр", "Мартахгүй", "Гүнж", "Чиний явсан зүгт", "Буцаад л хоёулаа" зэрэг гаргасан дуу бүр нь хит болж байсан юм. 

"Take Off" хамтлагийн дуучин Д.Баясгалан:

-Энэ жил 20 жилийн ойн тоглолтууд маш их зохион байгуулагдлаа. Тэр цаг үед олон хамтлаг уран бүтээлчид гарч ирсэн байна. Энэ утгаараа түүхэн 20 жилийн ойгоо тэмдэглэн өнгөрүүлж байна.

Манай "Take Off" 20 жилийн баярын тоглолтын онцлог гэвэл түүхэндээ анх удаа монголын бой бэндүүдийн үе үеийн төлөөллүүд сюрприз барин оролцож байгаа гэдгээрээ онцлогтой. Мөн зочин дуучид урилгаар уран бүтээлээ хүргэнэ.

Бусад хамтлагийн гишүүд оролцож "Take Off" хамтлагийн олонд хүрсэн "Уучлаач хайрт минь", "Гүнж" дуунуудыг шинэ хувилбараар дуулсан байгаа гэв.

---