Жүжигчин Б.Амарсайхан Halloween-ы баяраар “Хаалга нүдлээ” гэж хүүхэд зодсон гэх хэргээр цагдаагийн байгууллагад шалгагдаж буй.

“Хаалга нүдлээ” гэж уурлан 13-15 насны 3 хүүхэд зодсон гэх нөхцөл байдал тогтоогдоод байгаа аж.

Энэ талаар ЦЕГ-аас тодруулахад, "Цагдаагийн байгууллагын тусгай дугаарт 2024 оны 11 дүгээр сарын 01-ний өдөр “10 дугаар сарын 30-ны өдрийн 20 цагийн үед найзуудын хамт манай найз бусдад зодуулсан байна” гэх дуудлага мэдээлэл ирүүлсэн. "Halloween"-ий баярын үеэр хүүхдүүд хотхоны айлуудаар чихэр цуглуулахаар явахдаа хаалга өшиглөснөөс болж бусдад зодуулсан гэх утгатай дуудлага мэдээлэл ирснийг цагдаагийн байгууллагаас шалгаж байна" гэв. 

Эх сурвалжийн мэдээлж буйгаар, жүжигчин Б.Амарсайханыг цагдаагийн байгууллагаас дуудсан боловч ирэхгүй байгаа гэнэ. Иймд албадан авчрах байдал үүсэж магадгүй байгаа аж. 

---