УИХ-ын 2025 оны төсвийн талаар УИХ-ын гишүүн Г.Тэмүүлэн байр сууриа илэрхийллээ.

УИХ-ын гишүүн Г.Тэмүүлэн:

-Төсвийн зардлыг бууруулахаар Засгийн газарт өгсөн шаардлагад одоогийн байдлаар ямар нэгэн хариу ирүүлээгүй байгаа. Мөн бид бүхний тавьж байгаа шаардлагатай уялдуулаад УИХ парламентын ардчиллыг бэхжүүлж, цөөнхийнхөө байр суурь, саналыг сонсох үүднээс төсвийн байнгын хорооноос тогтоолыг оруулж ирж байна.

Тодруулбал, үүссэн нөхцөл байдалтай уялдуулан төсвийн алдагдлыг багасгаж, татвар төлөгчдийн мөнгийг үр ашигтай, хэмнэлттэй зарцуулах үүднээс энэ онд багтаан төсвийн тодотголыг оруулж ирэх, 3.6 их наядаар төсвийг бууруулах хүрээнд урсгал зардлаас хасах тогтоолыг УИХ-ын дарга санаачлаад оруулж ирж байна.

Хувь хүнийхээ хувьд УИХ санаачилга гаргаж оруулж ирж байгаад баярлаж байгаа ч одоо хэлэлцэж буй төсвийг татаж, хэмнэлт хийх боломж байна гэх байр суурь хэвээрээ байгаа. Гэхдээ ямартай ч бидний шаардлага үр дүнд хүрч, УИХ илүү санаачилга гаргаж, шинэ төсөв хэрэгжиж эхлэхээс өмнө үр ашиггүй төслүүдийг танасан байх асуудал тодотгол хий гэсэн чиглэлийг Засгийн газарт хүргэж байна. Мөн хариуцлагагүй төсөв оруулж ирсэн, үр ашиггүй урсгал зардлуудад Сангийн яам болон Сангийн сайд хариуцлага хүлээх ёстой гэв.

---