Иргэн Д.Мөнх-Эрдэнэ сэтгүүлч Н.Өнөрцэцэгийн ар гэрийнхэнтэй уулзав.

Иргэн Д.Мөнх-Эрдэнэ:

-Хууль зүйн сайд О.Алтангэрэлийн хэлж байгаа үндэслэлтэй. Монгол Улсын иргэн бүр өмгөөлөгчтэй шүүгдэх эрхтэй шүү дээ.

Шүүхийн процессын асуудлыг мэдэхгүй байна. Таван зүйл ангийн нэг нь төрийн нууцтай холбоотой гэж байгаа. Түүнийгээ дагаад бүхэлдээ хаалттай явагддаг эсэхийг мэдэхгүй юм. Иргэдтэйгээ адил л нээлттэй шүүгээсэй л гэж хүсэж байна.

Хэн ч юунд ч шалгагдаж байна. Гол нь хүний эрүүл мэндийн асуудал чухал. Аливаа асуудалд эхлэл байвал төгсгөл байдаг. Хүн өөрийнхөө эрүүл мэндэд санаа тавих хэрэгтэй. Өлсгөлөн зарласан гэдэг дээр холбогдох хууль хяналтын байгууллага нэг их ач холбогдол өгөхгүй.

Н.Өнөрцэцэгт өмгөөлөгчөөр нь дамжуулаад “Бие бодоорой гэж хэлмээр байна”. Аливаа асуудлыг эсэргүүцээд үр дүнд хүрэхгүй. Шүүхээр нь ор. Цаг хугацаа үнэний шалгуур. Амьдрал маргааш дуусахгүй. Гэр бүл, үр хүүхдээ, биеэ бодоорой. Бүх зүйлс нь хуулийн дагуу яваасай гэж хүсэж байна гэв. 

---