Сэтгүүлч Н.Өнөрцэцэгийн өмгөөлөгч Ц.Хишигжаргал түүний биеийн байдлын талаар өнөөдөр мэдээлэл өглөө.

Өмгөөлөгч Ц.Хишигжаргал:

-Сэтгүүлч Н.Өнөрцэцэг энэ оны арваннэгдүгээр сарын дөрөвний өглөө 9 цагаас эхлэн шүүх хуралдааныг нээлттэй явуулж өгөхийг хүсэж өлсгөлөн зарлаад 52 цаг болж байна.

461-р хорих ангид өлсгөлөн зарлах хүсэлтээ өгсөн. Хүсэлтийн дагуу эмч нарын үзлэг, шинжилгээнд хамрагдсан. Эмчийн үзлэгээр сэтгүүлч Н.Өнөрцэцэгийг бөөрний архаг дутагдалтай гэж оношилж, өлсгөлөн зарлавал маш эрсдэлтэй гэж дүгнээд өлсгөлөн зарлах хүсэлтийг нь хүлээж аваагүй.

Сэтгүүлч Н.Өнөрцэцэгийн зүгээс өлсгөлөн зарлахаар шийдэж одоо хүртэл юм идээгүй, өлсгөлөнгөө үргэлжлүүлж байна. Биеийн байдлын хувьд бөөр нь өвдсөн, хаван ихтэй дээрээс нь нойргүйдэлд орсон байдалтай байна.

Дөнгөж сая уулзаад гарч ирэхэд Н.Өнөрцэцэг нэлээн тамирдсан, дуу нь цаашаа орсон ярихдаа хэцүү ядарсан байдалтай байна гэв.

---