Сүүлийн жилүүдэд насанд хүрээгүй хүүхдүүд ахуйн хэрэглээний газ үнэрлэх, электрон тамхи хэрэглэх нь ихэссэн байна.
Тухайлбал, энэ оны аравдугаар сарын 31-ний өдөр бага насны хүүхэд нас барсан байна гэх дуудлага мэдээлэл цагдаагийн байгууллагад иржээ. Дуудлагын дагуу шалгалтын ажиллагаа явуулахад дулаан зогсоол дотор 13 настай эрэгтэй Ц нь ил харагдах гэмтэл шархгүйгээр нас барсан байжээ. Урьдчилсан байдлаар талийгаач хүүхэд нь ахуйн хэрэглээний газ үнэрлэж, хордож нас барсан байж болзошгүй үйлдэл тогтоогдсон талаар Цагдаагийн ерөнхий газрын Хэвлэл мэдээллийн төвөөс мэдээллээ.
Иймд эцэг, эхчүүдийг хүүхэддээ тавих хараа хяналтаа сайжруулж, болзошгүй эрсдлээс урьдчилан сэргийлэхийг цагдаагийн байгууллагаас анхаарууллаа.

---