Эрчим хүчний үндэсний хорооноос цаг үеийн асуудлаар мэдээлэл хийж байна. Өнөөдөр ҮАБЗ хуралдаж, эрчим хүчний улс төрөөс хараат бус байдлыг хэлэлцэхээр болжээ.

Эрчим хүчний үндэсний хорооны дарга, Шадар сайд Т.Доржханд:

-Гучин жилийн үр дүнгүй популизмыг хийхээ больё гэж байгаа. Засгийн газраас 14 мега төслийг хэрэгжүүлье гэж байгаа. Гэхдээ эдгээр төслүүдийг хэрэгжүүлэхэд эрчим хүчний эх үүсвэрүүд шаардлагатай. Түүнчлэн 150 мянган айлын орон сууц барьж байгуулахаар төлөвлөөд байгаа. Гэсэн ч энэ орон сууцыг хангах эрчим хүч байхгүй. Ийм учраас нэн тэргүүнд эрчим хүчний реформыг хийж хэрэгжүүлэхээр болж байна. Энэ шилжилт нь зөвхөн үнэ тарифыг нэмэгдүүлнэ гэсэн үг биш.

Эрчим хүчний хараат бус байдлаас гаргана. Үнэ тарифыг нэмэгдүүлэх асуудлыг 103 УИХ-ын гишүүд дэмжсэн байгаа. Өнөөдөр ҮАБЗ хуралдаж, эрчим хүчний улс төрөөс хараат бус байдлыг хэлэлцэнэ.

УИХ-ын гишүүн М.Энхцэцэг:

-Эрчим хүчний хууль 2001 онд шинэчлэгдэж байсан. Тухайн үед босоо бүтэцтэй компаниудыг хэвтээ бүтэцтэй болгосон. Эрчим хүчний салбарт хувийн хэвшлийг оруулах зорилттой байсан ч хэрэгжүүлж чадаагүй. 24 жилийн дараа эрчим хүчний салбарт олон хэрэгтэй зорилтуудыг хэрэгжүүлж чадаагүй, уналтад орсон. Ихэнх компаниуд төрийн өмчийнх учраас хямралд орсон.

Бид эрчим хүчний реформын хүрээнд энэ салбарын үйлдвэрлэгч талуудад өрсөлдөөнийг бий болгоно. Хувийн хэвшлүүдийг оролцуулна. Хэдий хэвтээ бүтэцтэй гэж байгаа боловч босоо бүтэцтэй хэвээрээ байна. Үүнийг хална.  

Эрчим хүчний салбарт байгаа бүх журмыг татаж, шинэ хуульдаа тусгана. Хуулийн зохицуулалтад гадны орны туршлагыг судална. Эрчим хүчний реформыг маш амжилттай хэрэгжүүлнэ гэдэгт итгэлтэй байна гэв. 

---