Монгол Улсын сайд, Хяналт, үнэлгээний Үндэсний хорооны дарга Э.Одбаяр төсвийн мөнгөөр Вьетнам улсын Фукуок арал руу төрийн албаны туршлага судлах зорилгоор явсан гэх мэдээлэл цахим орчинд нийтлэгдсэн. Энэ талаар Монгол Улсын сайд, Хяналт, үнэлгээний Үндэсний хорооны дарга Э.Одбаяраас тодрууллаа.

Монгол Улсын сайд, Хяналт, үнэлгээний Үндэсний хорооны дарга Э.Одбаяр:

-Миний хувь Фукуок гэдэг газар руу яваагүй. Миний эрхлэх ажлын хүрээнд Засгийн газрын хяналт хэрэгжүүлэх газрын нэр бүхий 15 албан хаагч Вьетнамын төрийн байгууллагуудтай төрийн хүртээмжийн сайжруулах чиглэлээр харилцан туршлага солилцох гурван өдрийн сургалт хийх зорилгоор явсан гэж ойлгосон. Миний хувьд есдүгээр сарын зургаанаас хойш нэг сарын хугацаанд эмнэлгийн чөлөөтэй байсан.

Шилэн дансаа хөтөлсөн учраас энэ асуудал яригдсан гэж ойлгож байна.

Цахим орчин тархаад байгаа фото зургийн тухайд 2017 оны эхнэр бид хоёрын зураг байна лээ. Улс төрийн зорилготой гэж ойлгож байна гэв. 

---