“Сонгинохайрхан дүүргийн дугаар хорооны АН-ын байранд согтуу хүмүүс зодолдоод байна” гэх дуудлага цагдаагийн байгууллагад энэ оны аравдугаар сарын 05-ны өдрийн 21:15 цагт иржээ. 

Шалгалтын явцад Ардчилсан намын ухуулах байранд 2024 оны аравдугаар сарын 05-ны оройн 21:10 цагийн орчим нэр бүхий нэр дэвшигч нь ухуулагч таван иргэний хамт согтууруулах ундааны зүйл хэрэглэж байх явцад МАН-ын нэр бүхий арван ухуулагч нар орж, "Ухуулах байранд архи уулаа" гэх шалтгаанаар маргалдаж, хоорондоо түлхэлцэн эрх чөлөөнд нь халдсан болох нь урьдчилсан байдлаар тогтоогдсон.

Цаашид шалгалтын ажиллагааг үргэлжлүүлэн хийж байна. Харин мэс хэрэглэж, хүний мэндэд хохирол учруулсан зүйл тогтоогдоогүй. 

---