Үндэсний эвслээс Хан-Уул дүүргийн 8-р тойрогт нэр дэвшигч Ц.Дагвадоржийг эгүүлэн татах гомдлыг нэр бүхий иргэн гаргажээ. Хан-Уул дүүргийн сонгуулийн хороо тус асуудлыг өнөөдөр хэлэлцсэн байна.

Ингээд Үндэсний эвслээс Хан-Уул дүүргийн 8-р тойрогт нэр дэвшигч Ц.Дагвадоржийг эгүүлэн татах гомдлыг хүлээн авах боломжгүй гэж шийдвэрлэжээ.

Үндэсний эвслээс Хан-Уул дүүргийн 8-р тойрогт нэр дэвшигч Ц.Дагвадорж:

-Миний бие Үндэсний эвслээс НИТХ-д нэр дэвшиж байгаа. Мөн дүүргийн иргэдийн хуралд Хан-Уул дүүргийн 8-р тойрогт нэр дэвшиж байгаа. Өнөөдөр дүүргийн сонгуулийн хороо гомдол ирсэн гэж мэдэгдсэн. МАН-аас нэр дэвшигч Б.Наранцацралт гэдэг хүн намайг дүүрэг, нийслэлд давхар нэр дэвшиж байгаа нь миний эрх ашигт нөлөөлж байна гэсэн утга бүхий гомдлыг гаргасан юм билээ. Ингээд дүүргийн намын хороо тус асуудлыг хэлэлцээд гомдлыг хүлээн авах боломжгүй гэдэг шийдвэр гаргалаа гэв. 

---