™ watch
™ watch
Багшийг 45 хоногийн сургалтаар бэлтгэх, багшлах эрхийн гэрчилгээ олгохоор Боловсролын яам шийдвэр гаргаад байна. Үүнтэй холбоотойгоор нийгэмд санал шүүмжлэл, өрнөөд буй юм. Манай сайт олон талын байр суурийг хүргэж байгаа билээ. УИХ-ын гишүүн, Монголын багш нарын үйлдвэрчний эвлэлийн холбооны Төлөөлөн удирдах зөвлөлийн гишүүн Ц.Мөнхтуяагийн байр суурийг хүргэе.
УИХ-ын гишүүн Ц.Мөнхтуяа:
-Тун удахгүй аравдугаар сарын 1-нээс УИХ-ын намрын ээлжит чуулган эхэлнэ. Энэ үеэр боловсролын салбарын багш ажилчдынхаа төлөөлөл болж шийдвэр гаргах, бодлого боловсруулах чиглэлд ажиллана. Намайг Монголын багш нарын үйлдвэрчний эвлэлийн холбоонд ажиллаж байсны хувьд хаачив гэж асууж байх шиг байна. Би байгаа шүү гэдгээ хэлье.
Аливаа юмыг эхлүүлэх хэцүү л дээ. Б.Наранбаяр сайд асуудал ихтэй үед Боловсролын сайд хийж байгаа. Энэ хүний ухаан, чадвар, мэдрэмж хэрэгтэй. Зөв менежментээр ажиллаж чадвал салбараа босгоод ирэх боломжтой. Сайн багш, ажилтан олон бий. Салбарынхаа төлөө сэтгэл гаргаж, сайн ажиллаж чадвал босгоод ирэх боломжтой. Гэтэл эхнээсээ мордохын хазгай гэгчээр буруу, зөв яриад, багш нарынхаа цалинг хүртэл буруу яриад явах юм бол манай салбарт удахгүй. Манай багш нар айхтар хүмүүс шүү дээ. Сайд хүнээс гарахааргүй алдаанууд гаргаж байна. Үүнийгээ засаад явах юм бол болно. Болохгүй юман дээр нь би дуугарна. Дуугарах ч ёстой. Алдаа гаргахгүй хүн гэж байхгүй. Алдаагаа засаад, асуудлаа олж харж, багш нараа сонсох хэрэгтэй. Дарга нараас илүүтэй багш нараа сонсох ёстой. Багш нарын үгийг сонсож, зөв шийдвэр гаргаж чадвал багш нар хүлээж авна. Ойлголцож ажиллаж чадахгүй бол багш нар хүлээж авахгүй шүү дээ.
Ер нь боловсролын салбарт олон асуудал бий. Цалингаа нэмж байж энэ салбарыг босгоно шүү дээ. Бага цалинтай учраас сайн багш ажиллахгүй. Тиймээс өрсөлдөөн байхгүй. Өрсөлдөөнгүй учраас чанар ярих ямар ч боломжгүй. Үүнийг долоон, найман жил би ярьж байгаа. Цалин бага байгаа учраас багш нар гадаад руу ажиллахаар явчихлаа. Эрэгтэйчүүд нь гол төлөв хувийн бизнес рүү, уул уурхайд жолооч хүртэл хийгээд явж байна. Тиймээс цалин хангамжийг нэмэх асуудал дээр анхаарах ёстой гэв.
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Үнэн шүү дээ.Одоо ажиллаж байгаа багш нараа муулаад л дандаа чадваргүй багш гар байгаа ойлголт сайд өгөөд бн.Цалин хөлсөө нэмэхгүй бол ирэх жил багшлах боловсон хүчин багасна.
Ганцхан цалин яриад байхаар сурагчдын хүмүүжил эцэг эхийн ёс зүйн талаар ярих хэрэгтэй шүү.Бас наад боловсролын асуудал хариуцахаар байгуулагдсан лобби бүлэг чинь яагаад таг чиг байгаад байдаг юм бэ? Өөрөө ч ороо биздээ? Бүгдээрээ хариуцлагаа үүрээч!
Ганцхан багш нарыг ч сонсох ёсгүй байх аа. Багш нарын сэтгэл, заах арга барил үнэхээр муудсаныг Монголын багш нар хүлээн зөвшөөрч, дүгнэлт хийж өөрсдийгөө сайжруулахын оронд сайдаа авч хаяна гэх юм даа. Багшаар дамжаагүй хүнгүй болохоор бүх хүмүүсийн санал бодлыг сонсох ёстой. Бүүр нэг хүний үг сонсож сураагүй, Амбицаа урдаа тавьсан л үг хэлж байна даа. Багш нарын эрх ашгийг хөндсөн зүйл огт байхгүй л санагдах юм. ҮЭ н хүн гуай! Сайн багш аяндаа эцэг эх, хүүхдүүдийн хүндлэлийг олоод авна даа. Сайдын бодлогыг дэмжиж байна. Харин шаардлага, шалгуур 2ыг ёстой япон маягаар тавих хэрэгтэй шүү.
Чи юу юм хуцна биз