Монголын Үндэсний Бөхийн Холбоо жил бүр уламжлал болгон зохион байгуулагддаг Өсвөр үеийн Улсын аварга шалгаруулах тэмцээн, мөн Залуучуудын Улсын аварга шалгаруулах тэмцээнийг 2024 оны 10 дугаар сарын 16-18-ны өдрүүдэд Улаанбаатар хотноо Монгол Бөхийн Өргөөнд зохион байгуулна.
Тус барилдааны өсвөрийн 16, 17, 18 насанд 21 аймаг, есөн дүүргээс тус бүр нэг, бөхийн дэвжээдээс тус бүр нэг, нийгэмлэг клубээс тус бүр нэг, Биеийн тамирын сургуулиас тус бүр нэг төлөөлөл оролцуулахаар шийдвэрлэсэн байна.
Барилдаанд оролцох аймаг, дүүрэг, дэвжээ, нийгэмлэг, клуб, биеийн тамирын сургуулиас шалгарсан бөхчүүдийн урьдчилсан мэдүүлгийг албан бичгээр 2024 оны аравдугаар сарын 10-ны дотор Монголын Үндэсний бөхийн холбооны info@mnwf.mn хаягаар хүлээн авах аж. 

---