Нийслэлийн Ардчилсан намаас мэдээлэл хийлээ. 

Нийслэлийн Ардчилсан намын дарга Т.Батцогт:

-НИТХ-ын сонгуулийн тухай хуульд заасны дагуу нэр дэвшигчид есдүгээр сарын 5-нд материалаа хүргүүлэх хуулийн хугацаатай. Нийслэлийн АН нэр дэвшигчдийн материалыг нийслэлийн сонгуулийн хороонд хүргүүллээ. Нийслэлийн АН Улаанбаатар хотын дуу хоолой болсон шударга иргэдийг нэр дэвшүүлж байгаа. 2012-2016 оны Э.Бат-Үүл Улаанбаатар хотын Засаг даргаар ажиллаж байх үеийн "Гудамж" төслийн ерөнхий зохицуулагч, зөвлөх инженер Б.Батболд мөрийн хөтөлбөр боловсруулсан. Энэ мөрийн хөтөлбөрийн дагуу нийслэл хотын олон дэд бүтцийн асуудлыг шийдвэрлэх болно. Нийслэл хот хүүхдэд ээлтэй хот байх ёстой. Өнгөрсөн хугацаанд иргэдийн дуу хоолой болж явсан иргэдийг төлөөлөл болж чадна хэмээн дэвшүүлж байгаа.

---