Өмнөх парламентад Монгол Ардын намын бүлгийн даргаар ажиллаж байсан Д.Тогтохсүрэнг “Монголросцветмет” ТӨҮГ-ийн захирлаар томилсон байна.

Тэрээр УИХ-ын 2024 оны сонгуульд Хангайн бүсийн I тойрогт нэр дэвшин өрсөлдсөн ч “өвдөг шороодсон” юм. Д.Тогтохсүрэн хуульч, төрийн удирдлагын арга зүй, зохион байгуулалт мэргэжилтэй. УИХ-д хоёр удаа сонгогдсон төдийгүй 2018-2024 онд УИХ дахь МАН-ын бүлгийн даргаар ажиллаж байв.

БОЛОВСРОЛ

1986 онд Хайрхандулаан сумын ерөнхий боловсролын сургууль

1991 онд Цагдаагийн дээд сургууль, хуульч

1997 онд Төрийн захиргаа, удирдлагын хөгжлийн институт, төрийн удирдлагын арга зүй, зохион байгуулалт мэргэжлээр

2002 онд Удирдлагын академи Төрийн удирдлагын магистр

АЖЛЫН ТУРШЛАГА

1991-1996 онд Арвайхээр сумын Засаг даргын Тамгын газрын ажилтан, Тамгын газрын дарга

1996-2000 онд Өвөрхангай аймгийн Монгол ардын намын хороонд улс төрийн ажилтан, дэд дарга

2000-2008 онд Аймгийн Иргэдийн Төлөөлөгчдийн Хурлын дарга

2008-2016 онд Өвөрхангай аймгийн Засаг дарга

2016-2024 онд Монгол Улсын Их Хурлын гишүүн

2018-2024 онд Монгол Улсын Их Хурал дахь Монгол Ардын Намын бүлгийн дарга

2024.08 сараас “Монголросцветмет” ТӨҮГ-ийн захирал

 

---