“Эрдэнэс Тавантолгой” ХК 2024 оны наймдугаар сарын 16-ны өдөр Монголын Хөрөнгийн Биржийн нээлттэй цахим арилжаагаар дамжуулан 20 багц буюу 128 мянган тонн эрчим хүчний нүүрсийг БНХАУ-ын Ганцмод боомт хүргэж өгөх нөхцөлөөр арилжлаа.

Арилжаанд гурван худалдан авагч оролцсон бөгөөд нэг тонн нүүрсний үнийг 52.2 ам.доллароос эхлэн дуудаж, 54.7 ам.долларт хэлцэл хийгдлээ. Ингэснээр “Эрдэнэс Тавантолгой” ХК 2024 оны наймдугаар сарын 16-ны өдрийн байдлаар нийт 32 удаагийн арилжаагаар 1.28 тэрбум ам.долларын үнэлгээ бүхий 11,417,600 тонн нүүрсийг биржээр борлуулав.

---