Орхон аймгийн Эрдэнэт үйлдвэрийг бүтээн байгуулсан Илгээлтийн эздийн 50 жил, “Хангайн бүсийн хурд - 2024” баяр наадам өчигдөр эхэлсэн юм. Гэвч үргэлжилсэн их борооны улмаас Эрдэнэт хотын Цэнгэлдэх хүрээлэн усанд автсан байна.

Иймд өнөөдөр болох байсан баяр наадмын зарим үйл ажиллагааг хойшлуулжээ. Энэ талаар Орхон аймгийн баяр наадам зохион байгуулах комиссоос мэдээлэл хийлээ. Цаг агаарын нөхцөл байдлаас шалтгаалан зарим үйл ажиллагааны цагийн хуваарь болон байршилд өөрчлөлт орж байгаа талаа мэдээллэв.

Орхон аймгийн ЗДТГ:  

-Хурдан морьдын уралдаан тодорхойгүй хугацаагаар хойшиллоо.

-Хүчит бөхийн барилдааны гурвын даваа өнөөдөр 12:00 цагт Хангарди паласт үргэлжилнэ.

-Сурын талбайд сур харваа үргэлжилж байна.

-Шагайн харваа Биеийн тамир спортын "Б" зааланд үргэлжилж байна.

-Өнөөдөр буюу 2024.08.02-ны 21:00 цагаас эхлэх байсан баяр наадмын хаалтын шоу тоглолт маргааш буюу наймдугаар сарын 3-нд болж хойшиллоо.

-Анхдагч илгээлтийн эздэд зориулсан "Дуун цэнгүүн" өнөөдөр орой 21:00 цагт Хангарди паласт болно. 

---