Ливан Улсад НҮБ-ын энхийг сахиулах UNIFIL ажиллагаанд үүрэг гүйцэтгэж байгаа Монгол Улсын эмч нарын баг анх удаа хүүхэд эх барьж авчээ.

Тодруулбал, UNIFIL ажиллагаанд үүрэг гүйцэтгэж байгаа их эмч дэслэгч Б.Цэрэнчунт, ахлах дэслэгч Б.Билгүүнцог нар шуурхай ажилласны дүнд энэ оны долоодугаар сарын 19-ний өдөр Индонез Улсын иргэнд яаралтай тусламж үзүүлж, хүүхдийг нь эсэн мэнд эх барьж авчээ.

Улмаар эх, хүүхдийн биеийг нь тогтворжуулсны дараа Тир хот дахь төв эмнэлэгт хүргэжээ. Энэ нь UNIFIL +1 эмнэлгийн түүхэнд анхны эх барьж авсан тохиолдол болсон байна.

---