Их Британи, Умард Ирландын Нэгдсэн Хаант Улс (ИБУИНХУ)-ын Батт хотод зохион байгуулагдсан Олон улсын математикийн 65 дугаар олимпиадын дүн гарлаа.

Манай баг тамирчид 108 орноос 16-р байранд орсон байна. Тус олимпиадаас Монголын баг нэг алт, хос мөнгө, гурван хүрэл медаль хүртсэн бахдам амжилт гаргасныг Монголын математикийн олимпиадын хорооноос мэдээлж байна.

Багийн бүрэлдэхүүнд: 

• Дэлгэрдалайн Энэрэлт /Сант сургуулийн 12г анги/
• Тамирын Билгүүнгэрэлт /Эрхэт-Эрдэм сургуулийн 10а анги/
• Одонбаатарын Тэнгис /11-р сургуулийн 12в анги/
• Баярын Бэлгүтэй /11-р сургуулийн 11в анги/
• Сонорын Манлай /Сант сургуулийн 10в анги/
• Хавалболотын Нурсолтан /11-р сургуулийн 12б анги/ нар багтсан билээ.

Багийн ахлагчаар Б.Батбаясгалан, дэд ахлагчаар У.Батзориг нар ажилласан байна. Олон улсын математикийн 65 дугаар олимпиадад амжилттай оролцсон багийнханд баяр хүргэж, амжилт хүсье.

---