"EURO 2024" хөл бөмбөгийн Европын тивийн 2024 оны аварга шалгаруулах тэмцээний финалын тоглолт өнгөрсөн шөнө Германы Берлин хотын "Olympiastadion" цэнгэлдэх хүрээлэнд болж, Испанийн баг Английг 2-1 харьцаагаар хожиж Европын аварга боллоо.

Испанийн баг өмнө нь Европ тивийн аваргыг 1964, 2008, 2012 онуудад хүртэж байсан бөгөөд ийнхүү дөрөв дэх удаагаа түрүүлж, Европ тивийн аваргад хамгийн олон удаа түрүүлсэн баг боллоо.

Тэмцээний Шилдэг тоглогчоор Испанийн багийн гишүүн  Родри тодорсон бол Шилдэг залуу тоглогчоор Ламин Ямал шалгарлаа.

2028 оны Европын аварга шалгаруулах тэмцээнийг Британи болон Ирланд улс хамтран зохион байгуулах юм байна.  

---