МАН-ын жагсаалтын нэгдүгээрт бичигдэж УИХ-ын гишүүнээр сонгогдсон Г.Лувсанжамцаас цаг үеийн асуудлаар мэдээлэл авлаа. 

УИХ-ын гишүүн Г.Лувсанжамц:

-Одоогийн байдлаар сайд болох асуудал яригдаагүй байна. Монгол Улсын хот байгуулалтын тогтолцоо, хууль эрхззйн орчин доголдолтой байдаг. Өөрөөр хэлбэл хэтэрхий олон дээрээс доош чиглэсэн захиргаадалтын төлөвлөлтийн тогтолцоотой байна. 

Тэгэхээр доороос дээш чиглэсэн буюу иргэдийн оролцоо, тэдний саналыг тусгаж, ямар асуудал тулгараад байгааг хэлэлцэж, түүнд тохирсон хот байгуулалтын төлөвлөлтийг хийх хэрэгтэй. 

Бодлогын том бичиг баримтууд хийгддэг, гэхдээ хэрэгжүүлэх бичиг баримт буюу хэсэгчилсэн ерөнхий төлөвлөгөөнд нийгэм, эдийн засаг, сургууль, цэцэрлэг гэх мэт дэд бүтцүүдийг тусгаж, ногоон байгууламж зэргийг шийдвэрлэх шаардлагатай.

Намайг сайд болгох санал ирвэл "Иргэдийн оролцоотой хот төлөвлөлтийг хэрэгжүүлэх"-ийн тулд ажиллана. Нэгдсэн нэг төлөвлөгөөтэй, иргэд, аж ахуйн бүхий л саналуудыг тусгах шаардлагатай гэж бодож байна. 

Би Хотын дарга Х.Нямбаатартай цусан төрлийн холбоо байхгүй гэв. 

---