Нийтэлсэн:   П.Оюу-Эрдэнэ

2 сарын өмнө

Үндэсний эвслийн тэргүүн Н.Номтойбаяр мэдээлэл хийлээ.

Үндэсний эвслийн тэргүүн Н.Номтойбаяр:

-Монгол Улсын УИХ-ын сонгууль явагдаж дууслаа. Үндэсний эвслийн нэр дэвшигчдийг дэмжсэн бүх иргэддээ баярлалаа. Амаргүй сонгууль байсан гэдгийг та бүхэн сайн мэдэж байгаа. Хууль, хүчний байгууллагууд, Сонгуулийн Ерөнхий хороо хууль зөрчиж биднийг УИХ-ын сонгуульд төлөвлөсөний дагуу ажиллах боломжийг олгоогүй. Хамгийн сүүлийн нэр дэвшигч маань сонгууль дуусахаас 36 цагийн өмнө батламжаа авсан. Сүхбаатар, Чингэлтэй дүүрэгт нэр дэвшсэн Ганболдын Баярхүү маань сонгууль эхлээд ес хоносны дараа батламжаа авсан. Үндэсний эвслийг тэргүүлсэн намайг ч гэсэн хасаж, сонгууль эхэлснээс хойш 5 хоногийн дараа би сонгуулийн ажлаа эхэлсэн. Энэ асуудлыг орхихгүй. Үндэсний эвсэл хуульд заасан босгыг амжилттай давж чадсан. Үндэсний эвслээс тойрогт нэр дэвшсэн, иргэдийнхээ сайн сайхны төлөө Монгол төрийнхөө төлөө эр зориг гаргаж, сэтгэлээрээ зүтгэсэн олон нэр дэвшигчид байгаа. Бүгдэд нь маш их талархаж байна. Өнгөрсөн цаг хугацаанд үндэсний эвсэл байгуулагдаад гуравхан сар болсон ч гэсэн цаашдаа хамтдаа явах багийг бүрдүүлж чадлаа.

УИХ-ын сонгуульд босго даваад тэнцвэргүй тулаанд өрсөлдөнө гэдэг амаргүй. Гэхдээ Үндэсний эвсэл хуульд заасан босгыг амжилттай давж чадлаа.

Сүүлд хэвлэлд өгсөн ярилцлагадаа дурьдсан асуудал дээр нотлох баримтууд байгаа. Хар машин буюу сүлжээний тооллогоор явуулдаг программд хөндлөнгийн аудит явуулах цаг болсон. Үндэсний эвслийн саналыг саармагжуулах олон үйл ажиллагаа явсан. Дахин Монголын сонгууль элдэв хар пи-ар, буруу тогтолцоогүй явуулахын төлөө Үндэсний эвсэл явах болно.

Үндэсний эвслийн улс төрийн үйл ажиллагаа дөнгөж эхэлж байна. Багагүй ч гэсэн хэдэн суудал авлаа. Цөөн суудалтай гэсэн ч бид урдаа тавьсан зорилго, ажлынхаа ард гарна. Монголын төрд хяналт байх цаг болсон.

Сонгууль явуулахад хэд хэдэн анхаарах зүйл байна. Гараанаас тэгш уралдах ямар ч боломж алга. Эрх барьж байгаа нам бусад намууддаа дэгээ тавьж байна. МАН цагтаа эр хүн шиг нам байсан. Одоо эмэгчин нам болжээ. Ардын намын тухай хэлэх зүйл олон бий. Цаг нь болохоор хэлнэ. Тэгш гараанаас намууд уралддаг цаг үе зайлшгүй хэрэгтэй. Үүнийг би манлайлна.

Босго 72408 хүний санал авах ёстой байсан. Нийт сонгогчдын таван хувийг авах байсан. Урьдчилсан байдлаар 190 мянган хүний байдал таван намд хуваагдаж байна.

Бид орон нутгийн сонгуулийн мөрийн хөтөлбөрөө өгсөн. Далайцтай орно. Мэдээж сүүлд нэр дэвшигчийн үнэмлэхээ авсан гишүүдийнхээ асуудлаар шүүхэд хандана. Ардын намын явуулга. Цагдаагаас хамгийн чухал хоёр хоног дээр ажиллагаа явуулсан. 300 хятад хүн ажиллаж байна гэх худал мэдээлэл дээр үндэслэн битүүмжилсэн. Эхлээд надад дэгээ тавиад таван хоног алдуулсан. Дараа нь сүүлийн хоёр хоног алдагдуулсан. Бидний зүгээс хууль зөрчсөн асуудал байхгүй. Хууль ёсныхоо дагуу гэрээтэй ажилчид л ажиллаж байсан. 

Сонгуулийн ерөнхий хорооны зөвшөөрлөөр хуулийн байгууллага нэгжлэг, шалгалт хийх ёстой. Гэвч хуулиа зөрчиж, зөвшөөрөлгүй үзлэг, нэгжлэг хийсэн. Цагдаагийн байгууллагаас "Үндэсний эвслийн штаб гэж мэдээгүй" гэх ядруу тайлбарыг өгсөн байна лээ. Бүгд л манай төв штабыг хаана байрлаж байсныг мэднэ. УИХ-ын сонгуулийн хуульд зайлшгүй өөрчлөлт орох ёстой юм байна. Өрсөлдөх боломж тэгш л байх ёстой.

Үндэсний эсвэл богино хугацаанд үйл ажиллагаагаа явуулсан ч хуулийн хүрээнд үйл ажиллагаагаа явуулсан. Би хулгайчидтай өш зангидна. Н.Номтойбаяр хэзээ ч хэлсэн үгнээсээ ухарч байгаагүй. Н.Номтойбаяр өөрчлөгдөөгүй шүү гэдгийг хэлмээр байна гэв.

Сурталчилгаа