СПОРТ
ХӨГЖИМ
™ watch
Нийгэм | 2024-06-25

А.Дашням: Туул голын усны түвшин 340 см болж үерлэсэн

Нийтэлсэн
2 долоо хоногийн өмнө


Сурталчилгаа
Нийтэлсэн:   Э.Цэлмэг
2 долоо хоногийн өмнө

Үерийн эрсдэлээс урьдчилан сэргийлэх ажлын хүрээнд хэрэгжүүлж буй арга хэмжээний талаар НОК-оос мэдээлэл хийлээ. 

НОБГ-ын дарга, хурандаа А.Дашням:

-Улаанбаатар хотод хоёр хоногийн хугацаанд үргэлжилсэн бороо орлоо. Улмаар Туул голын түвшин 260 см-ээс, 340 см болж нийтдээ 82 см давж үерлэсэн. Өнөөдрийн байдлаар голын түвшин 267 см-ээр багасаад нийт 70 см-ээр татарсан талаарх мэдээллийг Ус, Цаг Уур Орчны Шинжилгээний Газраас өгч байгаа.

Онцгой байдлын байгууллагад үер усны нөхцөл байдалтай холбогдуулаад 211 удаагийн дуудлага мэдээлэл ирсэн. Үерийн үеэр хүн амь насаа алдсан нөхцөл байдал үүсээгүй.

Улаанбаатар хотын хэмжээнд энэ сарын 29-нийг хүртэл өндөржүүлсэн бэлэн байдлын зэрэгт шилжсэн. Мэргэжлийн байгууллагууд хамтран эрсдэл үүсэж болзошгүй газруудад урьдчилан сэргийлэх ажлыг зохион байгуулж байна. Ялангуяа үерийн эрсдэлтэй бүс, аман дээр буусан айл өрхүүдэд мэдээлэл хүргэх, цаашдаа бүр албадан нүүлгэх үүрэг даалгаврыг өгсөн. 

Сонгинохайрхан дүүргийн нутаг дэвсгэрт 13 настай хүүхэд тогтоол усанд осолдож амь насаа алдсан. Мөн 41 настай эрэгтэй Сэлбэ голд санамсар болгоомжгүй байдлаар амь насаа алдсан харамсалтай осол гарлаа. НОБГ-ын аврах ангийн бүрэлдэхүүн дөрвөн хүн амь насаа алдаж болзошгүй нөхцөл байдалд шуурхай очиж, амь насыг нь аварсан. Тогтоол ус намхан эсвэл гол үерлээгүй гэж хайхрамжгүй хандсанаар амь насаа алдах эрсдэл үүсэж байна.

Өнөөдөр голын түвшин хэвийн хэмжээнд ороогүй буюу үерийн аюултай түвшинд хэвээр байгаа. Иймд тухайн бүсийн иргэдэд гэр орон руугаа орохгүй байх зөвлөмжийг өгч байна. Аюулгүй нөхцөл байдалд шилжтэл хүлээцтэй хандахыг уриалж байна гэв. 

Сурталчилгаа


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.