УИХ-ын гишүүн Ш.Адьшаа Үндэсний баяр наадмын тухай хуульд жороо морийг уралдуулж, улсын аймгийн цол чимэг болгох хуулийг баталсан талаар мэдээлэл хийв. 

УИХ-ын гишүүн Ш.Адьшаа:

-Монгол Улсын Их хурал өнөөдөр 2024 оны байгуулагдсан парламентын тухайд сүүлчийн чуулганаа хийж байна. Сүүлийн чуулганаар олон хуулийн төслийг баталлаа.

Миний санаачилсан УИХ-ын гишүүн Ж.Бат-Эрдэнэ, Д.Сарангэрэл, О.Цогтгэрэл нарын гишүүдтэй хамт өргөн мэдүүлж үндэсний баяр наадмын тухай хуульд нэмэлт өөрчлөлт оруулах тухай хуулийн төслийг УИХ-ын 48 гишүүн баталлаа.

Энэ хуульд өөрчлөлт оруулах асуудал бол монголын өв соёл, түүний дотор адууны соёлыг сурталчлах, уяачдыг урамшуулах ийм ач холбогдлын хүрээнд энэ хуулийг өргөн барьсан. Монголчууд эрт дээр үеэс жороо морио уралдуулж, бахархаж цэнгэлдэж наадаж ирсэн олон зуун жилийн түүхэн уламжлалттай ард түмэн.

1996 оноос эхэлж Үндэсний их баяр наадмын 13-ний өдөр жороо морь унадаг уяачдын баярыг тэмдэглэж ирсэн. 2022 онд батлагдсан үндэсний баяр наадмын тухай хуульд жороо морийг уралдуулж болно гэсэн заалтыг оруулсан байгаа. Энэ заалтыг үндэслэж улс аймаг сумын баяр наадмуудад жороо морио уралдуулж айрагдаж төрүүлсэн уяачдад үндэсний баяр наадмын тухай хуулийн дагуу Улсын аймгийн сумын цол чимэг болгох энэ асуудлыг өнөөдөр энд хуулиар баталсан.

Энэ хуулийг баталснаар адууны соёлыг, түүний дотор залуу малчид, уяачид монгол мориороо уралддаг уяачдын хөдөлмөрийг баяр наадам, төрийн хэмжээнд дэмжих хууль эрх зүйн асуудал шийдэгдлээ. Энэ хууль долдугаар сарын 1-ээс хэрэгжих бөгөөд монгол орон даяар жороо морио уяж, уралдуулж улс аймгийнхаа, сумынхаа баяр наадмуудад түрүүлж айрагдуулж улсын цол чимэг авах ийм боломж бүрдсэнийг монголын 70 гаруй уяачид олон зуун морь сонирхогчдодоо энэ завшааныг ашиглаж хэлэхэд таатай байна.

Миний хуулийн төслийг батлахад хамтарч ажилласан Монгол Улсын УИХ-ын гишүүн Ж.Бат-Эрдэнэ, Д.Сарангэрэл, О.Цогтгэрэл болон бусад УИХ-ын гишүүддээ гүн талархал илэрхийлье гэв.

---