УИХ-ын чуулганы өчигдрийн хуралдаанаар Үндсэн хуулийн Цэцийн гишүүнээс бүрэн эрхийн хугацаа нь дууссан Ш.Солонго, Б.Буяндэлгэр, Г.Туулхүү нарыг чөлөөлж, тэдний оронд УИХ-ын Тамгын газрын дарга асан Ц.Цолмон, хуульч Б.Болдбаатар, Р.Батрагчаа нарыг томилсон.

ҮХЦ-ийн бүрэлдэхүүн бүрдсэн учраас даргаа шинээр сонгох учиртай. ҮХЦ есөн гишүүнтэй бөгөөд Монгол Улсын Ерөнхийлөгчийн санал болгосон нь Цэцийн гишүүн Р.Батрагчаа, Б.Болдбаатар, Э.Энхтуяа нар бол УИХ-ын санал болгосон нь Цэцийн гишүүн  Ц.Цолмон, Г.Баясгалан, Л.Өлзийсайхан нар юм.

Харин Улсын Дээд шүүхийн санал болгосон гишүүд нь Х.Эрдэнэбулган, Д.Гангабаатар, О.Мөнхсайхан нар юм.

Эдгээр есөн гишүүн дотроосоо ҮХЦ-ийн даргаа томилох ёстой. Тэгвэл ҮХЦ-ийн даргаар Ерөнхийлөгчийн санал болгож сонгогдсон Ц.Цолмон, Г.Баясгалан нарын нэг томилогдох магадлалтай талаар эх сурвалж мэдээлж буй юм. 

---