СПОРТ
ХӨГЖИМ
™ watch
Эрүүл мэнд | 2024-05-29

Скүүтер, суррон дугуйн гэмтлийн улмаас нийт 418 хүн ГССҮТ-д хандаж, тусламж үйлчилгээ авчээ

Нийтэлсэн
2 долоо хоногийн өмнө


Сурталчилгаа
Нийтэлсэн:   П.Оюу-Эрдэнэ
2 долоо хоногийн өмнө

Унадаг дугуй, скэйтборд, скүүтерээс унаж бэртэхээс сэргийлэх зөвлөмжийг хүргэж байна.

ГССҮТ-ийн Яаралтай тусламжийн тасагт скүүтер болон суррон дугуйн гэмтэл авч, хандсан үйлчлүүлэгчдийн тоон мэдээллийг танилцуулав. 

Тодруулбал

  • 2022 онд нийт 153,365 хүн тусламж үйлчилгээ авснаас 96
  • 2023 онд нийт 168,280 хүн тусламж үйлчилгээ авснаас 266 
  • 2024 оны эхний дөрвөн сарын байдлаар 55,365 хүн тусламж үйлчилгээ авснаас 56 тохиолдол тус тус бүртгэгджээ.

Ингэснээр  

Сургууль, цэцэрлэгийн амралт эхлэх гэж байгаатай холбогдуулан эцэг эх, асран хамгаалагч та бүхэн хүүхдэдээ тавих хараа хяналтаа сайжруулж, хүүхдийг скүүтер, скэйтборд, дугуйнаас унаж гэмтэхээс сэргийлээрэй.

Дугуйт хэрэгслийг унахдаа юуг анхаарах вэ?

  • Өөрийн биеийн жин, өндөр, насны онцлогт тохирсон унадаг дугуй, скүүтер, скэйтборд сонгож унах,
  • Зориулалтын өмсгөл, хэрэгслийг заавал хэрэглэж, хөдөлгөөнд оролцох,
  • Тохой, өвдөг, бугуйдаа хамгаалалт зүүх,
  • Зориулалтын малгай, тод өнгийн хувцас өмсөх,
  • Унадаг дугуй, скүүтер, скэйтборд унаж байх үедээ анхаарал сарниулахуйц, харагдах орчноос тусгаарлах гар утас, таблет, чихэвч зэргийг хэрэглэхгүй байх,
  • Бага насны хүүхдийг хараа хяналтгүйгээр унадаг дугуй скүүтер, скэйтбордтой замын хөдөлгөөнд оролцуулахгүй байх,
  • Унадаг дугуй, скүүтер, скэйтбордыг зөвхөн явган хүн болон тусгай тэмдэглэсэн замаар унаж хөдөлгөөнд анхаарал болгоомжтойгоор оролцохыг зөвлөж байна. 
  • Дугуйт хэрэгслээр замын хөдөлгөөнд оролцохдоо анхаарал болгоомжтой байж, өөрийгөө болон бусдыг болзошгүй эрсдэлээс урьдчилан сэргийлэхийг зөвлөлөө.
Сурталчилгаа


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.