Глобал сангийн дэмжлэгтэй төслийн хүрээнд 2021-2023 онд Улаанбаатар хотын сүрьеэгийн эмзэг, эрсдэлт бүлгийн хүн амын дунд хоёр явуулын илрүүлэг үзлэгийн багийг ажиллуулжээ.

Сүрьеэгийн шинэ тохиолдлын зөвхөн 20 хувийг илрүүлж чадаж байгаа нь Монгол Улсад сүрьеэг эрт оношлох, түүний дотор оношилгооны чадавхыг өргөтгөх, сүрьеэгийн хавьтал болон өндөр эрсдэлтэй бүлгийн хүн амын дунд системтэйгээр идэвхтэй илрүүлэлт хийх хэрэгцээтэй байгааг харуулсаар байна.
Эрүүл мэндийн яамнаас зохион байгуулж буй "Хаалганаас хаалганд" сүрьеэгийн эрт илрүүлэг үзлэгт хэрэглэгдэх нийт 1.3 тэрбум гаруй төгрөгийн үнэ бүхий 6 ширхэг зөөврийн дижитал рентген аппаратыг нийлүүлээд байна. 1 рентген аппаратууд нь хиймэл оюун ухааны программ, тоног төхөөрөмж нь 232.2 сая төгрөгийн үнэтэй.

Дэлхийн эрүүл мэндийн байгууллагаас Монгол Улсыг сүрьеэгийн дарамт өндөртэй 30 орны нэгээр зарласан. Манай орны 100 000 хүн амд тохиолдох сүрьеэгийн өвчлөл 452 буюу тархалт өндөр орнуудын түвшинд байдаг байна. Хэнтий аймгийн тухайд 79 мянган хүн амтай. Сүрьеэгийн тохиолдол бас буурахгүй байгаа гэдгийг холбогдох албаныхан хэлж байна.

Сүрьеэгийн идэвхтэй илрүүлэлтээр 2021 онд 80520 иргэнийг хамруулснаас 210, 2022 онд 79115 иргэнээс 527, 2023 онд 85177 иргэнээс 396 сүрьеэгийн шинэ тохиолдлыг илрүүлж, эмчилгээнд хамруулжээ.

---