Гэрэл зургийг Б.Баяр /албан ёсны зөвшөөрөлтэй/

2024 оны тавдугаар сарын 24-нөөс зургаадугаар сарын 3-ныг хүртэл ихэнх хугацаанд нутгийн хойд хэсгээр бороо орох тул үер усны аюулаас сэрэмжтэй байхыг анхааруулж байна.

Хур тунадас 24-нд баруун болон зүүн аймгуудын нутгийн зарим газар, төвийн аймгуудын ихэнх нутаг, говийн аймгуудын нутгийн хойд хэсгээр, 25-нд төвийн аймгуудын нутгийн зарим газар, говийн аймгуудын нутгийн хойд, зүүн аймгуудын нутгийн өмнөд хэсгээр, 26-нд Хөвсгөл, Хэнтийн уулархаг нутгаар, 27-нд баруун аймгуудын ихэнх нутаг, төвийн аймгуудын нутгийн баруун хэсгээр, 28-нд төвийн аймгуудын ихэнх нутаг, говийн аймгуудын нутгийн зарим газар, зүүн аймгуудын нутгийн баруун хэсгээр, 29-нд нутгийн зүүн хэсгээр, 30-нд Алтай, Хангай, Хөвсгөл, Хэнтийн уулархаг нутаг, Халх голын сав газраар, 31-нд Монгол-Алтайн уулархаг нутгаар, 06 дугаар сарын 01-нд баруун болон төвийн айгуудын нутгийн зарим газраар, 02-нд нутгийн зүүн хагаст бороо орно, дуу цахилгаатай. 

Салхи: 24-нд говь, талын нутгаар, 27, 31-нд Алтайн уулархаг нутгаар, 28-нд говь, тал, хээрийн нутгаар, 06 дугаар сарын 01-нд ихэнх нутгаар, 02-нд нутгийн зүүн хагаст секундэд 15-17 метр, түр зуур секундэд 24 метр хүрч, шороон шуурга шуурна.

Агаарын температур: Увс нуур болон Дархадын хотгор, Завхан голын эх, Тэс голын хөндий, Хэнтийн уулархаг нутгаар шөнөдөө 1 хэмийн хүйтнээс 4 хэм дулаан, өдөртөө 15-20 хэм дулаан, Алтай, Хангай, Хөвсгөлийн уулархаг нутгаар шөнөдөө 1-6 хэм, өдөртөө 18-22 хэм, говийн бүс нутаг, Орхон, Сэлэнгийн сав нутгаар шөнөдөө 11-16 хэм, өдөртөө 29-34 хэм, бусад нутгаар шөнөдөө 6-11 хэм, өдөртөө 22-27 хэм дулаан байна.

Улаанбаатар хот орчимд 25-нд бага зэргийн бороо, 28-нд бороо орно. Ихэнх хугацаанд секундэд 5-10 метр байна. Борооны өмнө түр зуур ширүүснэ. Агаарын температурын хувьд 25, 28, 29-нд сэрүүхэн шөнөдөө 2-7 хэм, өдөртөө 15-20 хэм, 26, 27-нд дулаарч шөнөдөө 5-10 хэм, өдөртөө 22-27 хэм дулаан байна.

---