УИХ-ын гишүүн Б.Саранчимэг Байгаль орчин, хүнс, хөдөө аж ахуйн байнгын хорооны гишүүний хувиар Өмнөговь аймаг дахь Хүлэмжийн аж ахуйн цогцолборын талбайд зочиллоо.

Мөн НҮБ-ын Хөдөө аж ахуйн байгууллагын төлөөлөл тус Хүлэмжийн аж ахуйн цогцолборын талбайг үзэж, сонирхлоо. 

Тус хүлэмжид бөөрөлзгөнө, интоор, гүзээлзгэнэ, усан үзэм, тарвас, помидор, өргөст хэмх, хоёр төрлийн чавга, сонгино, алимны мод зэргийг тарьж ургуулж байна.

УИХ-ын  Б.Саранчимэг "Говь нутагт ногоо тарьж ургуулна гэдэг маш их хөдөлмөр байдаг. Хүлэмжийн аж ахуйн агрономич Д.Загдрагчаа болон түүний хамтран зүтгэж буй залуусаар үнэхээр бахархаж байна. Долоон жилийн хугацаанд маш их туршлага хуримтлуулжээ. Энэ туршлагаас олон зүйлийг сурч мэдэж болохоор байгаа юм. Нутгийн иргэдийн хүнсний ногооны хэрэгцээг хангахад цаашид говийн брэнд бүтээгдэхүүн хийхэд хувь нэмрээ оруулж байгаад баяр хүргэе. Төслийн зүгээс техникийн туслалцаа өгч дэмжиж ажиллахаар боллоо" гэв. 

---