Монголбанкны Мөнгөний бодлогын хороо ээлжит бусаар хуралдаж, бодлогын хүүг хэлэлцэж байна. Хурлаас гарсан шийдвэрийг үдээс хойш танилцуулж магадгүй аж. Төв банкны бодлогын хүү 12 хувь байгаа.

2024 оны гуравдугаар сарын 14,15-ны өдрийн Мөнгөний бодлогын хорооны ээлжит хурлаар эдийн засаг, банк, санхүүгийн зах зээлийн өнөөгийн байдал, гадаад орчны эрсдэлийг харгалзан үзэж бодлогын хүүг 1 нэгж хувиар бууруулж, дээрх түвшинд Мөнгөний бодлогын хороо авчирсан билээ.

Улсын хэмжээнд инфляц /ҮСХ/ энэ оны дөрөвдүгээр сарын байдлаар 6.4 хувьтай гарсан нь бодлогын хүүг ээлжит бусаар эргэн харах томоохон үндэслэлийн нэг болж байна. Бодлогын хүүг дахин бууруулах хүлээлт ээлжит бус хурлаас давамгайлж байна.

---