“Хамтдаа давъя” аянд “Завхан эм холбоо” нэгдэж, аймгийнхаа 150 малчин өрхөд эмийн багцаар тусламж хүргэж байна. Багцуудын дээжийг аймгийн Засаг даргын орлогч Ц.Улам-Оргиход гардуулан өгөв.

Энэхүү аянд Завхан аймагт үйл ажиллагаа явуулж буй эм хангамжийн 4 байгууллага, улсын болон хувийн хэвшлийн 13 эмийн сан хуримтлал үүсгэн нэгдэж байна.

Эмийн багцад анхан шатны тусламжийн хайрцаг, үрэвслийн, өвчин намдаах эмүүд, витамин эрдсүүдээс гадна ахуйн хэрэглээний барааг ч багтаажээ. Мөн багцын уутаа аймгийнхаа оёдолчдоор тусгайлан захиалж оёулсан байна.

---